Әлеуметтік қызметкер

Описание

Негізгі мақсаты

Әрбір пациентке/аман қалушыға әлеуметтік қолдау көрсетумен байланысты барлық іс-шараларды жүзеге асыру және оларды MSF принциптері мен нұсқаулықтарына сәйкес басқа тиісті қолдау қызметтерімен және қауымдастықтармен байланыстыру. Нысаналы топтың әлеуметтік жағдайын жақсарту арқылы денсаулыққа байланысты нәтижелерге әсер ету.

Жауапкершілігі:

• Пациенттердің әлеуметтік қажеттіліктерін, соның ішінде құқықтық, қорғау, баспана/үй-жай, қаржылық/еңбек, азық-түлік және жоба аясынан тыс медициналық және психоәлеуметтік қолдау қызметтеріне қол жеткізу қажеттіліктерін анықтай отырып, әлеуметтік бағалау жүргізу.
• Пациенттер мен олардың отбасыларына жан-жақты көмек көрсетуді қолдау, MSF көпсалалы тобының (соның ішінде ПДПӘҚ басқа мүшелерімен) басқа мүшелерімен тығыз жұмыс жасай отырып, оларды қауіпсіздік, медициналық қызметтерге қол жеткізу, құқықтық, әділет, баспана, азық-түлік, қаржылық қолдау, білім беру және қауымдастықтық қолдау сияқты көпсалалы қызметтермен байланыстыру.
• Әлеуметтік бағалаулар негізінде тікелей әлеуметтік қолдау көрсету және бағаланған сыртқы ресурстарға жолдамаларды жеңілдету.
• Пациенттердің өмір сүру сапасын жақсартуға үшін көпсалалы қызметтерге жасалған жолдамаларды, мамандардың қабылдауларына келуін жүйелі түрде қадағалау.
• Әлеуметтік қызметкерлердің жұмысына қажетті нысандар мен жабдықтарға қатысты, жұмыстың тоқтамай жүруіне керек кез келген материалдарды әзірлеуге және оны сақтауға қатысу.
• Ресми және бейресми қолдау қызметтерін (оның ішінде ағымдағы қауымдастық ресурстарын) картаға түсіру және тұрақты жаңарту.
• Қолдау көрсетудің бар қызметтерінің сапасын бағалау, олқылықтарды анықтау және мәдени тұрғыдан бейімделген әлеуметтік жауапты жақсартуға қол жеткізу үшін қорғау жұмыстарын жүргізу.
• MSF немесе басқа қолдау қызметтері ұсынған барлық әлеуметтік жұмыс әрекеттері мен қадағалауларға қатысты жазбаларды, статистикаларды, файлдарды және есептерді жүргізу.
• Қолжетімді қызметтердегі олқылықтарды анықтап, топпен бірге MSF мақсаттарына сәйкес жоспарларды басымдықпен әзірлеу.

MSF секциясындағы/контекстіндегі міндеттері

• Психикалық денсаулық тобының мүшелерімен, Психологпен бірге жұмыс істеу арқылы азаптау және қатыгез қарым-қатынас құрбандарына әлеуметтік қызметкер ретінде пациентке бағытталған көмек көрсету.
• Азаптау және қатыгез қарым-қатынастың құрбандары сияқты нысаналы топтың мүшелерімен жұмыс істеу үшін Денсаулық сақтауды насихаттау тобының мүшелерімен тығыз байланыс орнату.
• Пациенттерге күтімнің сапасын қамтамасыз ету үшін көпсалалы топтық кездесулер мен интервенцияларға қатысу.
• Әлеуметтік бағалау жүргізу: Пациенттердің әлеуметтік қолдау қажеттіліктерін, соның ішінде құқықтық, қорғау, баспана, қаржылық және азық-түлік қауіпсіздігі қажеттіліктерін анықтау.
• Көмекті үйлестіру: Жан-жақты қолдауды қамтамасыз ету үшін MSF көпсалалы тобының (мысалы, медициналық, психикалық денсаулық саласындағы мамандар) басқа мүшелерімен тығыз жұмыс істеу.
• Тікелей қолдау көрсету: Бағалаулар негізінде тікелей әлеуметтік қолдау көрсету және сыртқы ресурстарға жолдамаларды ұйымдастыру.
• Қадағалау күтімі: Пациенттердің клиникалық сессияларға қатысуын қамтамасыз ету және олардың өмір сүру сапасын жақсарту үшін жолдамаларды бақылау.
• Ресурстарды картаға түсіру: Ынтымақтасуға дайын сенімді мүдделі тараптарды анықтау, арнайы қызметтерге жолдау жолдарын құру; қолдау көрсетудің қолжетімді қызметтері туралы ақпаратты үнемі жаңартып отыру және әлеуметтік жауапты жақсарту үшін олқылықтарды анықтау.
• Пациенттердің қажеттіліктеріне сәйкес сыртқы және ішкі жолдамаларды ПДПӘҚ-дың басқа мүшелерімен тағыз байланысты қамтамасыз ету.
• Пациенттер мен олардың қамқоршыларына зиян келтірмей қызмет көрсету немесе қолдау көрсету.
• Қоғамдық психооқыту шараларын әзірлеу мен жүзеге асыруда Денсаулық сақтауды насиихаттау тобына қолдау көрсету және Психологиялық алғашқы көмек көрсету.
• Денсаулық сақтауды насихаттау тобы және ПДПӘҚ басқа мүшелерімен байланыста іс-шаралар үшін кез келген қажетті материалдарды жасауға қатысу.
• ILI ұйымының әлеуметтік қызметкерін қоса алғанда, басқа қызметкерлерге қолдау көрсету.
• Қажет болған жағдайда және миссияның қажеттіліктеріне сәйкес, операциялық себептерге байланысты басқа көмек көрсету пунктіне ауысуға дайын болу.
• Егер ол қызметі мен міндеттеріне қайшы келмесе, осы жұмыс сипаттамасына енгізілмеген іс-шараларда командаға көмектесуге дайын болу және жобаның тиімді жұмысын қамтамасыз ету үшін қажет болған жағдайда әрекет ету.
• Алматы облысы бойынша іс сапарлар жасауға дайын болу.

Білімі

«Әлеуметтік қызмет» мамандығында бакалавр деңгейі (BSW)

Тәжірибесі

Ұқсас лауазымда екі жыл еңбек өтілі; MSF немесе басқа ҮЕҰ-дармен жұмыс тәжірибесі болғаны абзалырақ.

Тіл білімі

Қазақ тілін білу міндетті; Орыс, ағылшын тілдерін білгені абзал.

Дағдылар

Базалық компьютерлік дағдылары болуы міндетті (Word, Excel, Outlook/MS Teams және Интернет)

Құзыреттер

• Нәтиже мен сапаға жұмыс істеу
• Командалық жұмыс пен ынтымақтастық
• Икемділік
• MSF қағидаларына берік
• Күйзелісті басқара білу

Қол қою арқылы қызметкер бұл құжатты оқып, түсініп, қабылдағанын растайды..