Ғылыми қызметкер

Описание

Еуразиялық ғылыми-зерттеу институты (ERI) 1 жылдық мерзімге толық немесе жартылай жұмыспен қамтылу шарты бойынша қызмет ұсынады. Ғылыми қызметкер Институттың әкімшілік және ғылыми-зерттеу қызметіне белсенді қатысуы тиіс. Міндеттеріне мақалалар жариялау, ғылыми жобаларға қатысу, сондай-ақ, Институт ұйымдастыратын іс-шараларды өткізуге жәрдемдесу кіреді.

Институттың негізгі зерттеу бағыттары: экономика, қаржы, энергетика, саясат, сыртқы саясат, қауіпсіздік, өңір елдері мен өзге мемлекеттер арасындағы қатынастар, қоршаған орта, көші-қон, климаттың өзгеруі, технологиялар, тіл, дін, философия, тарих, мәдениет, өнер, әлеуметтану және пәнаралық тақырыптар. Институт мамандардың кәсіби деңгейіне сәйкес бәсекеге қабілетті еңбекақы ұсынады.

Негізгі талаптар:

Доцент ғылыми атағының немесе PhD ғылыми дәрежесінің болуы;

Қазақ және/немесе орыс тілін еркін білу міндетті; ағылшын және түрік тілін еркін меңгеру (upper-intermediate деңгейі) талап етіледі;

PhD ғылыми дәрежесінің негізінен әлеуметтік ғылымдар, экономика, халықаралық қатынастар, әлеуметтану, қауіпсіздік және Институт қызметінің ғылыми бағытына сәйкес салалар бойынша;

Ғылыми журналдарда, соның ішінде Web of Science және (немесе) Scopus базасында рецензияланатын ғылыми басылымдарда жарияланымдарының болуы;

Жоғары деңгейдегі академиялық жазу дағдысының болуы керек.

Кандидаттарға қойылатын қосымша талаптар:

Мемлекеттік ғылыми жобаларда жұмыс жасаған болуы;

Отандық және шетелдік беделді ғылыми журналдардың редакция құрамында болуы;

Академиялық және ғылыми-зерттеу жұмыстарын сапалы орындау қабілеті;

Қолжазбатану саласының маманы, соның ішінде қолжазбаларды ғылыми айналымға енгізу тәжірибесінің болуы, сондай-ақ, шағатай, ескі қазақ, осман-түрік және араб-парсы тілдерін жеттік меңгеруі шарт.

Кандидаттар төмендегі құжаттарды Doc немесе PDF форматында Институттың электронды поштасына жолдауы қажет:

«Ғылыми қызметкер» лауазымына арналған академиялық және еңбек тәжірибесін сипаттайтын ілеспе хат;

Ағылшын тіліндегі жарияланым үлгісі;

Жарияланымдар тізімі көрсетілген ағылшын тіліндегі түйіндеме (резюме);

Магистр немесе доктор дипломының көшірмесі;

Зерттеу жобаларына арналған алдын ала идеялар.