Қазақша жазатын копирайтер

Описание

Міндеттер

1. Контент жасау

• Компания сайтына және әлеуметтік желілеріне мәтіндер әзірлеу (жаңалықтар, анонстар, түсіндірме материалдар, эмоциялы жазбалар)
• Сайт үшін мәтіндер жазу (жаңалықтар, жоба сипаттамалары, ақпараттық беттер)
• Ұтымды слогандар, есте қаларлық тақырыптар, әрекетке шақыру мәтіндерін (CTA) әзірлеу.

2. Аударма

• Орыс тілінен қазақ тіліне мәтіндер аудару (әлеуметтік желілер, сайт, ресми материалдар)
• Мәтіндерді мақсатты аудиторияға бейімдеу, сөзбе-сөз аудармай, калькасыз жазу.

3. PR бөлімінің жұмысы

• Пресс-релиз, пост-релиз, ресми мәлімдеме, хат мәтіндерін дайындау
• PR кампанияларды жүргізу: сыртқы жарияланымдар мен медиа-анонстарға мәтіндер әзірлеу, трендтерді бақылау, репутациялық, имидждік шараларды жүзеге асыру.

4. Редактура және сапаны бақылау

• Мәтіндерді компания коммуникациясының ыңғайына сәйкестендіру.

5. Контент жоспарлау (Маркетинг бөлімімен бірге)

• Айлық контент-жоспарды әзірлеуге қатысу
• Айдарлар, посттар, ақпараттық себептер бойынша идеялар ұсыну.

6. Микроаналитика және жетілдіру (SMM менеджермен бірге)

• Жарияланымдарға реакцияны қадағалау, клиенттердің үнін, қалауын зерттеп отыру
• Мәтіндердің әсерлілігін, сапасын үнемі жақсарту.

Білімі: жоғары – журналистика, PR, филология

Тәжірибесі: 2 жылдан кем емес, оның ішінде мамандығы бойынша – 1 жылдан кем емес

Кәсіби талаптар:

• Қазақ тіліне жетік, сауаты аса жоғары, өзіндік стилі бар, әдеби және заманауи сөз қолданысын ұтымды меңгерген болуы шарт
• Қиын тақырыптарды қарапайым тілде жеткізе білу, әсіресе құрылыс, тұрғын үй кешендері, әлеуметтік жобалар тақырыптарында жаза алуы маңызды
• SMM, PR, кәсіби инструменттерді меңгергені құпталады
• PR және корпорациялық коммуникация негіздерін, принциптерін, ереже-талаптарын білу маңызды, медиа саласындағы тәжірибесі құпталады
• Кәсіби ортада байланыстары бар, түрлі мақсатта қажетті инфлюенсер, блогерді ұсына алуы

Жеке қасиеттері:

• Жауапты, креатив идеяларға толы болуы
• Тілдесу қабілеті жоғары, токсик мінезден ада, кез келген жағдайда әбігерлікке, конфликтіге салынбай, мәселені аяғына жеткізіп, Кәсіби шыңдалуды көздейтін, корпоратив ортадағы ереже-талаптарды орындауға қабілетті
• Орыс тілін де жетік білуіңіз, қандай да бір шет тілін меңгергеніңіз аса құпталады.

• шешуге мүдделі, проактив

Компания тарапынан:

• Жұмысқа ресми ресімдеу
• Қаланың әдемі орталығындағы жайлы офис
• Ретті жұмыс – 5/2, work/life balance
• Тату, идеяға толы креатив жастар командасы
• Компания есебінен – корпоратив іс-шаралар
• Жан-жақты қолдауға ие боласыз, жұмыс уақыты біткен соң офисте қалып, артық жұмыс істеу міндеттелмейді, шұғыл негізсіз демалыс күндері мазалау болмайды
• қолдауға ие боласыз

Жайлы әрі кәсіби ортаға қосылып, командамыздың маңызды мүшесі атанғым келеді десеңіз, вакансиямызға үн қатып, резюмеңізді, ілеспе хабарламада – материалдарыңызға немесе әлеуметтік желілердегі жазбаларыңызға сілтеме жіберуіңізді өтінеміз, материалдарына сілтеме көрсетілмеген резюмелер қарастырылмайды.